Tras a estrea dos grupos de adultos e infantil, as vindeiras estreas da EMAE, terán lugar nas seguintes datas:
  • 24 de xuño ás 20.00 h: "Mary Poppins" a cargo do Grupo Infantil 1 da Escola  
  • 28 de xuño ás 20.00 h: "Alicia", a cargo do Grupo Xuvenil 2 
  • 29 de xuño: "Recordos", a cargo do Grupo Xuvenil 1. (Esta última peza, prevista, en principio, para o día 30 de xuño, adianta así un día a súa estrea)
Por outra banda, comentarvos que o día 12 de setembro, abrirase o prazo de matriculación para o curso 2016-2017.
 
 
 
 
 
O vindeiro sábado día 28 de maio ás 19.00 h. terá lugar a exhibición de fin de curso do grupo de adultos da EMAE. O proxecto é unha revisión do espectáculo "Ópera pánica", dirixida por Anabell Gago e interpretada por 15 alumnos desta agrupación. 
 
A montaxe recolle, durante os 60 minutos que dura, unha selección dalgúns fragmentos da obra de Alejandro Jodorowsky. Un espectáculo apocalíptico que trata sobre os usos e abusos do poder que levan á humanidade á súa autodestrución. 
 
Por outra banda, o domingo 5 de xuño, ás 19.00 h, serán os cativos do grupo infantil 2 da EMAE os que fagan unha versión en clave de danza contemporánea do clásico de Neira Vilas "Espantallo amigo".
 
A entrada é de balde. Non faltes!!!