Detalles

Publicado: 16 Xuño 2015

LUNS 22, 20.30h

Grupos Infantís EMAE

Os dous grupos infantís únense para poñer en escena 101 DÁLMATAS. Un divertido musical interpretado por vintecinco nenos de entre seis e dez anos que terá lugar o vindeiro luns día 22 ás 20.30h. Colabora nas coreografías a Escola de Baile Sondodance a través das súas profesoras Irene Gago e Carla Díaz.

XOVES 25, 20.00h

Grupo Xuvenil 2 EMAE

En plenas festas de San Paio, tomarán o relevo, os 18 alumnos do Grupo Xuvenil 2 para poñer en escena ás 20.00h o musical de GREASE. O clásico, ambientado nos anos 50 e interpretado por John Travolta e Olivia Newton-John, contará tamén coa colaboración nas coreografías de Montse Barcala (Sondodance).

MARTES 30, 20.30h

Grupo Xuvenil 1 EMAE

O día 30 ás 20.30h é o día elixido para que o Grupo Xuvenil 1 poña en escena PIM PAM CLOWN, un espectáculo de creación colectiva interpretado por 16 alumnos que incluirá sketchs traídos do mundo do mimo e pequenas pezas dialogadas relacionadas co absurdo da guerra e da violencia. A peza está dirixida polo profesor Arturo Covas “Nono”.

Todas as pezas serán gratuítas ata cubrir aforo.

Detalles

Publicado: 21 Mai 2015

Este vindeiro domingo 31 de maio ás 20.30 horas no Teatro Principal terá lugar a estrea de "Ópera Pánica. Cabaret tráxico" a cargo do grupo de adultos da EMAE.

A montaxe recolle unha selección dalgúns fragmentos da obra de Alejandro Jodorowsky. Un espectáculo apocalíptico que trata sobre os usos e abusos do poder que levan á humanidade á súa autodestrución. Todo isto aderezado cun sentido do amor acedo e amargo.

A peza está dirixida por Anabel Gago e interpretada polos 17 alumnos do grupo de adultos da EMAE.

Non faltes!!!!

Hora: 20.30 h

Entradas: gratuíta

Xénero: comedia