SEGUIMOS DE PRESENTACIÓNS...
- Detalles
Onte mércores, leváronse a cabo as presentacións dos cursos Infantil (8-11), Xuvenil (12-13), Xuvenil (+13) e Danza para mulleres maiores de 40 anos. Foi un momento moi ilusionante, co nacemento dun novo grupo e a consolidación dun proxecto docente, que da man, do profesorado, vén gozando do apoio da veciñanza. Serán 5 os grupos e 78 os alumnos que boten a andar este curso. Moito ánimo a todos!
COMEZA UN NOVO ANO LECTIVO!
- Detalles
Hoxe ás 21.00 h, erguerá o pano lectivo o grupo de adultos da EMAE, da man de Anabell Gago. As clases desenvolveranse os mércores ás 21.00 h. Por outra banda, a unidade de produción da EMAE reunirase hoxe para comezar a traballar nun espectáculo que estará dirixido polo director e actor de Talía Teatro, Artur Trillo, un dos primeiros profesores da Escola de Artes Escénicas. O espectáculo, de corte clásico, estrearase na primavera próxima.